從La Paz坐車到火車站，再坐火車，加埋都有十個鐘，終於黎到 Uyuni。
 |
| 終於黎到 Uyuni，先休息一晚，期待明日天空之鏡。 |
傳說中的天空之鏡，我終於踏足了，真係形容不到的靚。一望無際的倒影，猶如置身天堂！
大家如果想去天空之鏡，以本人經驗有點小分享：
- 要遇上天堂般的倒影，都要睇你好唔好彩，因為我地出發的前一天，剛好落過雨，第二天又天朗氣清，所以就輕易搵到倒影。否則有可能只係見到已乾涸的鹽湖。
- 剛入鹽湖，司機會係較近的地方停車，所以遇上其他遊客的機會就較大，如果想尋找一望無際，只屬於你的「天堂」，記得俾相司機睇你想去既地方，同埋叫司機帶你去尋找Aqua (西班牙文，水源的意思，因為南美以西班牙文為主，你講water佢地未必明白你意思)。同埋你唔講明，司機可能只會帶你去已乾涸的鹽湖，所以一定要司機幫你去搵「水」。
- 講明鹽湖，全個地面都是鹽，如果計劃去搵倒影，即係預左會濕腳。我地預先買了「防水鞋套」，咁對鞋就唔洗全日浸鹽水了。
- 天空之鏡，現場係靚到你全日都唔會願走，所以你要為左迎接哩一日作好準備。如果遇上好天，鹽湖經陽光反射下係極度之曬、影相都睜唔開眼！(大家可以幻想一下好似雪地果度曬) 。總括而言，大家記得帶：太陽眼鏡、防曬、鞋套。
- 喜歡攝影的朋友，如果時間許可，建議逗留三日兩夜。因為今次行程，我本來想影埋「玻利維亞的星空」，但可惜晚上落雨><，所以......都係有機會再黎過啦。
天空之鏡有幾靚？文字我唔多解釋了，不如睇相啦！(現場仲要係靚好多倍！！！)
 |
終於到左喇！Salar de Uyuni, Bolivia~~~ yeah!
|
 |
| 初入鹽湖，到處都是一堆堆的「鹽」。 |
 |
| 防水鞋套，好彩早有準備。 |
 |
| 乾涸了的鹽湖，地面是一望無際的龜裂紋。 |
 |
| 今天的午餐是在鹽湖上，企係度快餐，因為要爭取時間玩。 |
 |
| 司機為我們準備的午餐 |
 |
| 傳說中天空之鏡！！！真係靚到天堂咁，一望無際。 |
 |
| 只剩下我們，玩足一日，玩到天黑。 |
玩咗成日，個個都曬到燶晒！晚上入住一間用鹽造的「鹽酒店」，好靚，值得推介！
 |
| 鹽造的「傢具」 |
 |
| 酒店有桌球室 |
 |
| 仲有單車，如果有時間踩下單車應該幾正。 |
相關文章：
南美之旅 + 有關行程資料
南美之旅：神秘的納斯卡線 Nazca Line - 外星人之謎
南美之旅：亞瑪遜森林 Amazon rainforest
南美之旅：馬丘比丘 (天空之城) - 人生中最想去既地方
南美之旅：天空之鏡 (玻利維亞 - 簽証篇)
南美之旅：傳說中的天空之鏡 (Salar de Uyuni, Bolivia)
No comments:
Post a Comment