南美之旅：傳說中的天空之鏡 (Salar de Uyuni, Bolivia)

 從La Paz坐車到火車站，再坐火車，加埋都有十個鐘，終於黎到 Uyuni。

終於黎到 Uyuni，先休息一晚，期待明日天空之鏡。

傳說中的天空之鏡，我終於踏足了，真係形容不到的靚。一望無際的倒影，猶如置身天堂！

大家如果想去天空之鏡，以本人經驗有點小分享：

南美之旅：天空之鏡 (玻利維亞 - 簽証篇)

終於，我去左傳說中ge天空之鏡！

天空之鏡 (玻利維亞 - 鹽湖 Salar de Uyuni)

今日我想先講一講關於點去玻利維亞。

其實天空之鏡咪真係咁難去呢？表面上係！因為香港係無「玻利維亞領事館」的，意即你無可能係香港搞得掂個簽証，就係哩個 原因，大家可以留意下，香港暫時係未有旅行團係會帶你去玻利維亞的，就係因為個簽証問題。(即使有團去南美，都只係會去秘魯、智利、巴西及阿根廷。) 同埋就算跟旅行團，淨係團費都要十幾萬......所以如果有朋友想去南美，而目的是要去找玻利維亞這片天地的話，都係自己去啦，自己去平好多架！(我去左26日，全程用左五萬多元咋。)

南美之旅：馬丘比丘 (天空之城) - 人生中最想去既地方

幾年前，我因為睇過 U Magazine 裡其中一張照片，而對這個地方一見鍾情，好想去好想去，甚至係我人生中最想去既地方，佢就係 - 馬丘比丘！(Machu Picchu)

點解咁想去馬丘比丘？這個情意結我是可以解釋的，是因為一個game。曾幾何時，我沉迷於NDS裡其中一個遊戲 《Lost in Blue》(中文名為：迷失蔚藍) ，這個遊戲是你落入了一個荒島上，要靠打魚、挖番薯、執拾柴枝、鑽木取火等等，才能維持生命，然後想盡辦法去逃離這個無人島......這個遊戲的1、2集我都玩過了，當時簡直著了迷，甚至上網睇攻略......我相信要玩過的人才會明白......而這個遊戲，故事的背景極像馬丘比丘。

所以當我第一眼看見了馬丘比丘的照片，就好似發左癲咁，原來世界上真係有這個地方！真的嗎？真的嗎？好想去！我已經唔可以用文字去表達我當年既興奮。

就係U Magazine 哩張相，令我愛上了馬丘比丘。(2012年的U Magazine報導，我儲足咁多年)

想當年沉迷的《Lost in Blue》遊戲，背景極像馬丘比丘。(圖片來源網上)

南美之旅：亞瑪遜森林 Amazon rainforest

今次去南美，有點驚喜反而是亞瑪遜森林的體驗。

原本計劃入亞瑪遜，只係想到會好熱、好多蚊、好曬，但三日兩夜後，估唔到有咁難忘的體驗。

其實有幾難忘呢？um......就係一種真正回歸大自然既感覺，要進入亞瑪遜，為了保護自然生態，首先禁止使用自備的洗髮水、沐浴露、化妝品等，因為這些化學品都會流入河流，破壞大自然生態，他們會提供一些基本清潔用品給你。你進入森林只需要的，就只是帶你、衣服、和基本用品，不能帶拖喼，手提行李亦不能超過15kg，因為山路崎嶇，會有職員人手幫你由河邊拿行李到Lodges。

回歸大自然，卸下所有包袱，簡單的衣服下，只塗上防曬及蚊怕水，就可以走進森林與大自然接觸。沒有空調的世界，在戶外的Lodge與蚊子同眠，睡在床上可看見旁邊樹上的猴子，沖涼時可以對著森林 refresh，你話幾難忘！

體力差的我，誓估唔到自己可以三日兩夜，每天早上4、5點起床，跟著就是一整天的在森林遊歷，睇日出日落、上高塔、釣魚、森林探險、了解各種動植物等，實在太充實，身體除了睡覺的時間外都是在流汗，那種感覺是從來都無試過的，但我很享受。 會體力透支嗎？可能因為血氣運行關係，我反而越來越精神，感覺體內的廢物毒素壓力脂肪隨汗水一同排走，這三日兩夜，我相信自己輕左5磅，(不過可惜之後去到阿根廷飲飽食醉後又重返 ><)，我相信大多人都是有都市病吧，被石屎森林壓了太久，來到這裡感覺就像從新一樣。

記得有一晚，晚上進入森林探險，跟著大家一齊熄了手電筒，在摸黑的環境下感受置身大自然中，閉上眼睛，細心聽著身邊濃罩的蚊子聲、昆蟲聲、風聲、森林聲、自己的呼吸聲和存在聲，感覺很踏實同時亦很感動。

***********************************************************************

亞瑪遜準備：3M 蚊怕水 + 3M蚊怕膏 + 薄長衫長褲 + 大量防曬

係唔係一定要用 3M 蚊怕水 (蚊怕膏) 呢？YES！當我去衞生署打防疫針時，同個醫生好好傾，佢同我解釋，一定要有 DEET 成份的蚊怕水，才可有效防蚊，因為它會釋出一種氣味，令蚊子覺得抗拒。而市面上只有兩款蚊怕水含有 DEET 成份，(當然衞生署不會為廠商賣廣告，但醫生給我看的樣本正是3M，是他叫我買的！)，除了3M外，另一款則是較細的藥廠出的，你懂得選擇吧！

仲有一個要點：這款 DEET 蚊怕水好處是強力，但要小心，千萬不要讓它接觸到塑膠物料，例如你的相機，否則當 DEET 遇上膠質，會破壞其表面保護層，變得"痴立立"，你的相機從此就......

記得買含有DEET成份的蚊怕水 / 蚊怕膏。蚊怕膏較強力持久，用於身體外露範圍；蚊怕水則噴於衣服上。