Wednesday 8 April 2015

南美之旅:天空之鏡 (玻利維亞 - 簽証篇)


終於,我去左傳說中ge天空之鏡!
天空之鏡 (玻利維亞 - 鹽湖 Salar de Uyuni)

今日我想先講一講關於點去玻利維亞。

其實天空之鏡咪真係咁難去呢?表面上係!因為香港係無「玻利維亞領事館」的,意即你無可能係香港搞得掂個簽証,就係哩個 原因,大家可以留意下,香港暫時係未有旅行團係會帶你去玻利維亞的,就係因為個簽証問題。(即使有團去南美,都只係會去秘魯、智利、巴西及阿根廷。) 同埋就算跟旅行團,淨係團費都要十幾萬......所以如果有朋友想去南美,而目的是要去找玻利維亞這片天地的話,都係自己去啦,自己去平好多架!(我去左26日,全程用左五萬多元咋。)

繼續講返個簽証先,由於玻利維亞是沒有駐港領事館的,所以對於香港人要得到玻利維亞簽証,簡直是個大難題。上網搜查資料,對於「如何可以去到玻利維亞」有很多不同的說法,可以選擇郵寄文件到玻利維亞的駐北京領事館,再等多個月的審批......又有人說一定要持BNO才可入境......亦有人說香港人根本很難去到玻利維亞......都是放棄把啦......

坦白講,一開始聽到北京,就已經心諗,來來回回的信件,會唔會寄失?需要幾多次上北京親自會面?時間加上金錢,其實要幾耐先可以搞得掂個簽証呢?利申:我係一名打工仔,去南美儲假都儲左成年,仲邊有假期去北京搞個簽証......莫非,真係無可能可以去到玻利維亞?

為了踏足這片天空之鏡,已經上網看了很多資料,甚至有想過偷渡 (講下笑嗟),不過山長水遠去到南美,為左可以百份份去到玻利維亞........最後,我用左另一個方法!

頭先我話,表面上係好難去玻利維亞,但實際上呢?點先可以搞得掂個簽証?所謂有錢洗得鬼推磨....... 嘻嘻!我做法係,先從秘魯入手,聯絡秘魯當地旅行社,把我計劃的行程交給他們,並講明『一定要代辦玻利維亞簽証』!所以今次個南美行程,我係秘魯及玻利維亞, 係搵左當地旅行團,以包團形式自悠行的。(當然,其實可以自己去到秘魯搞簽証的,但有個熟人始終好辦事,有人帶我地去領事館,同當地溝通,可以慳返好多時間。同埋要入鹽湖都一定要搵車,所以都係建議搵返local tour幫手啦!)

就係咁,我地就好順利咁係秘魯搞掂左個玻利維亞簽証。

*******************************************************************
天空之鏡 - 鹽湖 (Salar de Uyuni),我相信很多人去南美也是為了去玻利維亞的這片天地。而傳說中最難搞的玻利維亞簽証,我在普諾 (Puno) 用了約一個半小時便成功辦妥了。

原來現在玻利維亞已放寬了港人的簽証程序,我們安排了一日時間在 Puno 搞簽証,一早便到了玻利維亞領事館。因為有當地導遊的帶領,導遊和領事館的人已經熟絡得像朋友,所以好辦事得多,加上中途又要準備文件,又要去影印,又要去銀行入數,有熟人帶領下,只用了大約一個半小時,便成功取得簽証。(我們是最早到達的,所以不用排隊。)
文章來源:蘋果日報 (其實唔需要信用卡證明,更正應該是普通證件相)
玻利維亞簽証所需資料:
1) 證件照一張
2) 護照正本及印影本
3) 黃熱針咭正底面影印本
4) 玻利維亞酒店證明
5) 費用30美元

不過想講講玻利維亞個領事館,真係無諗過會咁「簡陋」,一條橫街的其中一個入口,無人帶路真係有排搵。上幾級樓梯,兩間房,一間填文件,另一間就係領事的辦公室。

位於Puno 的玻利維亞領事館地址
哩度就係領事館附近的公園Pargue Pino,認住這個地標:

Parque Pino - 認住哩個公園,玻利維亞領事館就係哩個公園附近。



就係哩度,橫街的一條巷入面,居然隠藏了一間領事館。


上了一條簡陃的樓梯就到了。


估唔到,玻利維亞領事館,入面得一個負責人及一個助手,個負責人仲好仔細咁幫我地修剪照片添!

領事館負責人真係無架子,嫌我地張相唔靚,慢慢幫我地執返靚佢!XD

















好滾動!!!我地終於成功攞到玻利維亞簽証了!
成功了 - 玻利維亞簽証!

P.S. 去到秘魯和玻利維亞的邊境交界,出入境處亦相當「簡單」! 提提大家,如有秘魯貨幣用剩,可在關口直接兌換玻利維亞貨幣,另由於玻利維亞貨幣極不普及,所以離開玻利維亞前緊記要兌換,否則便沒有機會兌換了。


秘魯和玻利維亞邊界,出境都係十分鐘。

秘魯貨幣,可以係邊境兌換玻利維亞貨幣。
玻利維亞貨幣,唔好話我唔提提大家,係玻利維亞玩完記住要兌換返餘下的貨幣,因為玻幣唔算通行,所以離開左玻利維亞就好難再兌換。

準備進入玻利維亞


Bolivia~ Here we come!!! ^^ 




Welcome to Bolivia!

相關文章:
南美之旅 + 有關行程資料
南美之旅:神秘的納斯卡線 Nazca Line - 外星人之謎
南美之旅:亞瑪遜森林 Amazon rainforest
南美之旅:馬丘比丘 (天空之城) - 人生中最想去既地方
南美之旅:天空之鏡 (玻利維亞 - 簽証篇)
南美之旅:傳說中的天空之鏡 (Salar de Uyuni, Bolivia)

No comments:

Post a Comment